Zakhm bhar jaaye magar kyun dard yeh jata nahee
Vaqt ke kyun ghaanv marham koii bhar pata nahee
Husn chhal hai,ek bh’ram hai bas nazar ka,ishq men
Chaut khaane par bhi kyun sach yeh nazar aata nahi
Umrabhar maine bahaaye ashq ke dariyaa kaii
Yaad men jis kii, vo mere zakhm sehlaata nahi
"jab se dekhee hai fiZ^aa maiN ne tere rukhsaar kee
koee maosam meree beenaee ko ab bhaataa naheeN"
"dil peh ulfat kaa acar hai yaa nigaahooN kaa fareb?
aaiina bhi juz tere kuchh aur dikhlaata nahii
ranj hai is baat kaa jis par luTaaee Zindagee
meree yaadooN se woh apne dil ko behlaataa naheeN
Chal diye aangan se dil ke saaye teri yaad ke
Aalam-e-tanhaayi kaa ab lutf bhii aata nahi
Haar kar bhee jeet jaaooN hoon sikandar ishq kaa
i'shq ke maedaaN meN hamdam maat maiN khaataa naheeN"
maan kar jis ko khudaa karte rahe ham bandagii
wehsato.n ke vaqt hee kyun reh’m dil aata nahi
haadse ne jab kisee maasoom ki hai jaan li
kyun khuda dil ko tere maatam ye pighlaataa nahi
"maiN khaRaa hoN ban ke phir se HaoSle kee ek ChaTaaN
laakh aaeeN aaNdhiyaaN maiN in se ghabraataa naheeN
regards
manu
No comments:
Post a Comment